رواں سال جون کے مہینے میں وفات پانے والے ٹی وی میزبان، مذہبی اسکالر اور سیاست دان مرحوم ڈاکٹرعامر لیاقت کی سابقہ اہلیہ ڈاکٹر بشریٰ اقبال نے سوشل میڈیا پر صبر سے متعلق نیا پیغام شئیر کیا ہے۔

بشریٰ اقبال نے ٹوئٹر پر پیغام جاری کیا کہ زندگی کی کتاب پر ایک ایک ورق سچائی اور ایمانداری کی سیاہی سے لکھیے تا کہ ہمارے بعد جب اس کتاب کو کوئی پڑھے تو آپ کو اچھے لفظوں میں یاد رکھ سکے۔

زندگی کی کتاب پر ایک ایک ورق سچائی اور ایمانداری کی سیاہی سے لکھیے تاکہ ہمارے بعد جب اس کتاب کو کوئی پڑھے تو آپ کو اچھے لفظوں میں یاد رکھ سکے۔ 🌹

— Dr Bushra Iqbal🇵🇰 (@DrBushraIqbal) July 27, 2022

بشریٰ اقبال نے دانیہ کو آڑے ہاتھوں لے لیا

ڈاکٹر بشریٰ اقبال نے اپنے ٹوئٹ میں کہا کہ ’ایسا بھی کیا پیسے کا لالچ کہ کسی انسان کی جان، مال، عزت سب کھا جاؤ، وہ بھی جھوٹ اور الزامات کی بنیاد پر‘۔

اُنہوں نے کہا کہ ’دنیا کی عدالت میں انسان کتنے ہی جھوٹ بول لے لیکن اللّٰہ تعالیٰ کی عدالت میں زبان نہیں اعضاء بولیں گے‘۔

عامر لیاقت کی سابقہ اہلیہ نے مزید کہا کہ ’وہاں جب سی سی ٹی وی چلیں گے تو کوئی راہِ فرار نہیں ملے گی‘۔

اُنہوں نے اپنے ٹوئٹ کے ہیش ٹیگز میں یہ بھی لکھا ہے کہ ’اللّٰہ سے ڈرو، اللّٰہ سب جانتا ہے‘۔

بشریٰ اقبال نے اپنے ٹوئٹ میں کسی بھی فرد کا نام واضح نہیں کیا لیکن صارفین کی جانب سے دعویٰ کیا جا رہا ہے کہ اُنہوں نے یہ ٹوئٹ عامر لیاقت حسین کی تیسری اہلیہ دانیہ کے لیے پوسٹ کی ہے۔