صدر مملکت ڈاکٹر عارف علوی نے کہا ہے کہ نوجوانوں کو تعلیم کے زیور سے آراستہ کرنا وقت کی اہم ضرورت ہے۔

صدر پاکستان ڈاکٹر عارف علوی نے غلام اسحاق خان انسٹی ٹیوٹ کی 26ویں گریجویشن تقریب سے خطاب کرتے ہوئے کہا کہ ہمیں اپنے تعلیمی نظام کو بہتر بنانے پر زور دینا ہو گا۔

انہوں نے کہا کہ تعلیمی ادارے معیاری ہوں گے تو ہر گریجوایٹ ایک انسٹی  ٹیوشن بن سکتا ہے۔

انہوں نے مزید کہا کہ اساتذہ نے علم کی روشنی سے اپنے طالب علوں کا سینہ کھولا ہے اور آپکی عملی زندگی کے لئے راستے کھولے ہیں۔

ان کا کہنا تھا کہ کمیونیکیشن ایک آرٹ ہے، بہت سے لوگ انسان کو صرف اسکی زبان سے جانتے ہیں لیکن اس کے عمل سے واقفیت نہیں ہوتی ہے۔

صدر مملکت نے کہا کہ وقت کے ساتھ ساتھ تعلیمی نظام ایک بڑی تبدیلی آئی ہے جس کے زیر اثر سب کام ٹیکنالوجی کی بنیاد پر ہورہے ہیں اور نتیجتاً طالب علموں کی ذہنی صلاحیت میں کمی واقع ہونا، آزادانہ فیصلے کرنے کی صلاحیت ختم ہورہی ہے۔

ان کا کہنا تھا کہ ایک زمانہ تھا کہ دنیا کی ترقی نیشنل ریسورسس پر ہوتی تھی لیکن اب زیادہ اہمیت عقل اور شعور پر ہوتا ہے۔