پاکستان شوبزانڈسٹری کے نامور گلوکار و اداکار علی ظفر کی اہلیہ عائشہ فضلی نے بالآخر اپنے شوہر کے حق میں آواز اٹھا ہی لی۔

حال ہی میں سوشل میڈیا پر لائیو سیشن کے دوران علی ظفر کی اہلیہ عائشہ فضلی نے مداحوان کی جانب سے پوچھے گئے مختلف  سوالات  کے جواب دئیے ۔

اس دوران انہوں نے کہاکہ  بیویوں سے بڑھ کر شوہر کو کوئی نہیں‌ جان سکتا، بطور بیوی میں اچھی طرح‌ جانتی ہوں کہ میرا شوہر کیساہے ، ان پر لگے الزامات جھوٹے اور بے بنیاد ہیں اور یہ چیز ثابت بھی ہوگی ۔

بہت سارے لوگوں نے گلوکارہ  میشا شفیع کے حوالے سے بھی بات کی۔

عائشہ فضلی نے کہا کہ علی ظفر کو کس طرح‌ سے بلیک میل کیا گیا وہ سب میں نے دیکھا ہے میں‌ یہ بھی جانتی ہوں کہ کب کب کون کون اس جھوٹے کیس کے ساتھ جڑا رہا یا ملوث تھا، مجھے پورا یقین ہے کہ میرا شوہر سرخرو ہوگا۔

عائشہ فضلی نے ایک صارف کے سوال کا جواب دیتے ہوئے کہا کہ میرے شوہر ( علی ظفر) نے مجھ سے پہلی ملاقات کے بعد میرے چہرے کا خاکہ بنایا اور وہ خاکہ بنائے ہوئے تئیس برس بیت گئے ہیں لیکن ایسا لگتا ہے کہ جیسے ابھی کل ہی کی تو بات ہے۔

عائشہ سے صارفین پوچھے رہے کہ آپ  سمجھتی ہیں‌ کہ آپ کے شوہر بے گناہ ہے تو انہوں‌ نے کہا کہ جی بالکل ایسا ہی ہے۔