سیالکوٹ میں عید کی خوشیوں پر ڈکیتوں نے وار کردیے ہیں۔

تفصیلات کے مطابق سیالکوٹ میں سٹی سرکل  کے علاقے حاجی پورہ بن میں ڈکیتی کی واردات پیش آئی، جہاں عید ملنے کے لئے بیوی بچوں کو لے کر سسرال آنے والے شہری کی فیملی لٹ گئی۔

ڈاکو اسلحہ کے زور پر دس لاکھ روپے مالیت کا سونا چھین کر فرار ہو گئے۔

پولیس کی جانب سے  مقدمہ تو درج کر لیا گیا ہے لیکن تاحال کوئی ڈکیت گرفتار نہیں ہوسکا۔

واضح رہے کہ کچھ ماہ قبل گوجرانوالہ کے پوش علاقے ماڈل ٹاؤن میں بھی  ڈکیتی کی بڑی واردات پیش آئی تھی۔

 پولیس کا کہنا تھا کہ موٹر سائیکل سوار ڈاکو نجی کمپنی کی کیش وین سے ڈیڑھ کروڑ روپے نقدی چھین کر فرار ہوگیا۔

متاثرہ شخص نے بتایا تھا کہ ڈاکو واردات کرنے کے بعد گوندلا والا روڈ کی طرف فرار ہوا۔

پولیس کا مزید کہنا تھا کہ  علاقے کی ناکہ بندی کی گئی جبکہ  ڈکیتی کی واردات عون محمد سے ہوئی۔