انڈونیشیا کے سفیر اور نیول چیف کے درمیان دوطرفہ بحری تعاون کے فروغ پر تبادلہ خیال کیا گیا ہے۔

ترجمان پاک بحریہ کے مطابق پاکستان میں تعینات انڈونیشیا کے سفیر ایڈم ٹوگیو نے نیول ہیڈکواٹرز اسلام آباد کا دورہ کیا ہے۔

پاک بحریہ کے ترجمان کا کہنا تھا کہ اس دورے پر انڈونیشیا کے سفیر کی چیف آف دی نیول اسٹاف ایڈمرل محمد امجد خان نیازی سے ملاقات ہوئی۔

ترجمان پاک بحریہ نے بتایا کہ ملاقات کے دوران باہمی دلچسپی کے امور اور دوطرفہ بحری تعاون کے مزید فروغ پر تبادلہ خیال کیا گیا۔

ترجمان کا کہنا تھا کہ انڈونیشیا کے سفیر نے خطے میں میری ٹائم سیکیورٹی کو یقینی بنانے کے سلسلے میں پاک بحریہ کے کردار کو سراہا۔