چکناہٹ سے پاک دالیں غذائیت سے بھرپور اور فائبر حاصل کرنے کا بہترین ذریعہ ہیں۔

دالوں کے استعمال کے بے شمار فوائد ہیں جن میں وزن میں کمی اور خون سے متعلق متعدد بیماریوں سے بچاؤ جیسے کے بلڈ پریشر اور بلڈ شوگر سرفہر ست ہیں۔

طبی ماہرین کی جانب سے زیادہ تر دالیں سبزیوں کے استعمال کو تجویز کیا جاتا ہے کیوں کہ یہ آنتوں کی صحت کے لیے نہایت مفید ہیں۔

ماہرین کا کہنا ہے کہ ہفتے میں کم از کم دو سے تین مرتبہ دالیں ضرور کھائیں، دالوں کے استعمال سے کینسر کا خطرہ کم ہوتا ہے جبکہ گوشت کے استعمال سے متعدد بیماریوں اور کولیسٹرول لیول بڑھنے کا خدشہ ہوتا ہے۔

دالیں کھانے سے قبض کی شکایت دور ہوتی ہے۔

دالیں ذیابیطس کے مریضوں کے لیے بھی بہترین غذا ثابت ہوتی ہیں کیوں کہ ان میں فائبر بڑی مقدار میں پایا جاتا ہے۔

وزن میں کمی کے خواہشمند افراد دالوں کو اپنی غذا کا باقاعدہ حصہ بنا سکتے ہیں، اس سے غذائیت سمیت پروٹین بھی حاصل ہوتا ہے جو انسان کو کمزور نہیں ہونے دیتا، ایک کپ پکی ہوئی دال میں صرف 230 کیلوریز پائی جاتی ہیں جبکہ پروٹین اور فائبر کی مقدار اس سے دگنی ہوتی ہے۔