عدالت نے پولیس کو عالمگیرخان کے خلاف اشتعال انگیز چاکنگ سے متعلق مقدمہ خارج کرنے کا حکم دے دیا۔ 

تفصیلات کے مطابق سٹی کورٹ کراچی میں تحریک انصاف کے مستعفی ایم این اے عالمگیر خان کے خلاف اشتعال انگیزچاکنگ کے مقدمے کی سماعت کے دوران عدالت نے پولیس چالان مسترد کردیا۔

عدالت نے عالمگیر خان مقدمے سے بری کرتے ہوئے ریمارکس میں کہا کہ پولیس نے چالان میں غداری اور بغاوت کی دفعات شامل کی ہیں۔

فاضل جج نے کہا کہ غداری اور بغاوت کی دفعات وفاقی حکومت، محکمہ داخلہ اور صوبائی حکومت کی سفارش کے بغیر نہیں لگائی جا سکتی۔ پولیس کو ازخود ان دفعات کے تحت کارروائی کا اختیار نہیں۔

عالمگیر خان کے خلاف گلشن تھانے میں اشتعال انگیز وال چاکنگ کا مقدمہ درج تھا۔

ناظم جوکھیو قتل کیس

دوسری جانب جوڈیشل مجسٹریٹ ملیرکراچی کی عدالت نے کیس میں نامزد مفرورملزمان کی گرفتاری کا حکم دے دیا۔

عدالت نے مفرورملزمان میں نیاز سالار، احمد شورو اور زاید کو گرفتار کرنے کا حکم اور  مفرورملزمان کے ناقابل ضمانت وارنٹ جاری کردیے۔

عدالت نے کیس کو باقاعدہ سماعت کے لیے سیشن عدالت بھیج دیا۔