حکوت کی جانب سے پی آئی اے اور ریلوے کے کرایوں میں کمی کا اعلان کردیا گیا ہے۔

وفاقی وزیر برائے ایوی ایشن خواجہ سعد رفیق کی جانب سے ایک ویڈیو پیغام جاری کیا گیا ہے جس میں انہوں نے  پی آئی اے اور ریلوے کے کرایوں میں کمی کا اعلان کیا ہے۔

پٹرولیم مصنوعات کی قیمتوں میں کمی کے بعد پاکستان ریلویز کی اکانومی کلاس اور پی آٸ اے کی اندرون ملک تمام پروازوں پر کرایوں میں 10 فی صد رعایت کا اعلان

Advertisement

انشا اللّٰہ آج رات بارہ بجے کے بعد عملدرآمد شروع ھو جائیگا pic.twitter.com/qzt2foOvmR

— Khawaja Saad Rafique (@KhSaad_Rafique) July 16, 2022

ان کا کہنا تھا کہ ریلوے میں 94 فیصد جبکہ پی آئی اے میں 90 فیصد سے زائد مسافر اکانومی کلاس  میں سفر کرتے ہیں۔

انہوں نے بتایا ہے کہ پیٹرولیم مصنوعات کی قیمتوں میں کمی کے بعد پاکستان ریلویز اور قومی ایئرلائن پی آئی اے نے یہ فائدہ اپنے مسافروں تک منتقل کرنے کا فیصلہ کیا ہے۔

انہوں نے مزید کہا کہ پاکستان ریلویز کے اکانومی کلاس کے کرایوں میں 10 فیصد کمی کی جا رہی ہے جبکہ پی آئی اے کی اندرون ملک پروازوں کی  کرایوں میں بھی 10 فیصد رعایت دی جا رہی ہے۔

  خواجہ سعد رفیق نے بتایا کہ فیصلوں کا اطلاق  17 جولائی سے اگلے 30 روز کے لیے ہو گا جبکہ کرایوں میں کمی کا نوٹیفکیشن کل جاری کیا جائے گا۔