آپ نے کبھی غورکیا ہے کہ جب بھی آپ ساحل سمندرپر سیروتفریح کی غرض سے جاتے ہیں اور وہاں پر سورج کی روشنی میں وقت گزارتے ہیں اور گھر واپسی پر ایک سکون اور راحت کا احساس آپ کو گھیرلیتا ہے لیکن ساتھ ہی تھکن کی وجہ سے نیند کی کیفیت طاری ہونے لگتی ہے اور آپ کا جسم آرام کرنا چاہتا ہے جبکہ آپ نے وہاں کوئی بھی کام نہیں کیا ہوتا، لیکن پھر بھی آپ تھک جاتے ہیں کیا آپ جانتے ہیں کہ اس تھکن کے طاری ہونے کی اصل وجہ کیا ہے؟

دھوپ میں بیٹھنا جسم کے لئے سخت محنت کرنے کے مترادف ہے جبکہ آپ نے وہاں کوئی کام بھی انجام نہ دیا ہو۔ جسم کی یہ تھکاوٹ معمول کی بات ہے۔

اس ضمن میں سیئٹل میں ماہر امراض جلد ہیتھرراجرز کا کہنا ہے کہ درجہ حرارت میں معمولی سی تبدیلی بھی جسم پراثر انداز ہوتی ہے اور اس کے افعال کو متاثر کرتی ہے، اور جسم پسینے کے ذریعے  بنیادی درجہ حرارت کو منظم رکھنے کے لئے کام کرتا ہے، اس طرح آپ کا جسم باہر کی نسبت اندرونی سطح  پر زیادہ کام کرتا ہے اسی وجہ سے آپ پر تھکاوٹ اور نیند کی کیفیت طاری ہونے لگتی ہے۔

ساحل سمندر سے واپسی پر تھکاوٹ کی ایک بڑی وجہ جسم میں پانی کی کمی بھی ہوسکتی ہے۔ جرنل آف نیوٹریشن میں شائع ہونے والی ایک تحقیق کے مطابق پانی کی معمولی کمی بھی آپ کے مزاج کو بدل سکتی ہے بشمول تھکاوٹ کے احساس کے۔

سارادن ڈیسک پر کرنے کے دوران یہ یاد رکھنا کہ جسم کو جسم کو ہائیڈریٹ رکھنے کے لئے  مناسب مقدار میں پانی پینا ہے مشکل ہوجاتا ہے لیکن اسی طرح جب آپ سارا دن گرمی کھانا پکا رہے ہیں ہوتو مناسب مقدار میں پانی پینا اور بھی یاد نہیں رہتا ہے ہرانسان کو اپنے جسم اور کام کے مطابق پانی کی ضرورت ہوتی ہے دن میں 8 گلاس پینا صرف ایک مفروضہ ہے لیکن جب آپ سورج کی روشنی میں وقت گزار رہے ہوتو پانی کا استعمال بڑھا دیں تاکہ جسم کو پانی کمی سے بچایا جاسکے اور وہ زیادہ توانا رہے۔

تاہم یہ یاد رکھنا ضروری ہے کہ ایک  مصروف دن کے اختتام پر عام تھکاوٹ اور گرمی کی تھکاوٹ میں بہت واضح فرق ہوتا ہے گرمی کی تھکاوٹ میں جسم اندرونی درجہ حرارت کو منظم رکھنے کے لئے جسم کے پانی کو جلد کی سطح پر لے آتا ہے پسینہ زیادہ آنے کی وجہ سےجسم میں پانی کی کمی ہونے لگتی ہے اس طرح تھکاوٹ کے ساتھ نبض بھی تیزچلنے لگتی ہے اور نیند یا بے ہوشی محسوس ہونے لگتی ہے تو یہ تمام علامات گرمی کی تھکن کی ہیں ایسی صورت میں کسی ٹھنڈی جگہ کا رخ کریں ٹھنڈا پانی استعمال کریں علامات برقرار رہنے کی صورت میں اپنے معالج سے رابطہ کریں اگر یہ تمام علامات از خود ٹھیک ہو جائے تو اس کا مطلب ہے کہ یہ، گرمی کی تھکن نہیں ہے۔

کوشش کریں دھوپ میں وقت گزارنے سے گریز کریں اگر جانا ضروری بھی ہوتو چھاؤں میں چلیں اور پانی کا استعمال زیادہ کریں تاکہ صحت مند رہ سکیں۔