بالی وڈ کے اداکار عامر خان نے اپنی نئی آنے والی فلم ’لال سنگھ چڈھا‘ اور فلم ’پی کے‘کویکساں قرار دینے پر اپنے ردعمل کا اظہار کر دیا۔

غیر ملکی خبررساں ادارے کے مطابق اداکار عامرخان کا کہنا ہے کہ ان دونوں میں صرف ایک ہی مماثلت ہے اور وہ لال اور پی کے ہے۔

یاد رہے کہ مئی میں لال سنگھ چڈھا کے ٹریلر کی ریلیز کے بعد پرستاروں نے سوشل میڈیا پر فلم کے حوالے سے مایوسی کا اظہار کیا تھا۔

 متعدد پرستاروں کے مطابق عامر خان کی فلموں جیسے پی کے، تھری ایڈیٹس اور دھوم تھری شامل ہیں، ان کی آنکھوں کا انداز ایسا ہوتا ہے جیسے وہ حیران اور پلک جھپکائے بغیر دیکھ رہے ہوں۔

تاہم اس حوالے سے عامر خان نے کہا کہ وہ پوری مووی دیکھیں اس کے بعد خود فیصلہ کریں، صرف ٹریلر دیکھ کر اپ پوری فلم کے بارے میں کوئی حتمی بات نہیں کہہ سکتے۔

واضح رہے کہ عامر خان کی نئی فلم لال سنگھ چڈھا اس ماہ کی گیارہ تاریخ کو ریلیز ہوگی۔