بالی وڈ کے سینئر اداکار انیل کپور کا انٹرویو سوشل میڈیا پر وائرل ہوگیا۔

غیر ملکی خبررساں ادارے کے مطابق اداکار انیل کپور کہا ہے کہ مجھے کئی بین الاقوامی پروگرامز کی پیشکش ہوئی لیکن میرے لیے کیریئر سے زیادہ فیملی اہم ہے، اس لیے ان کو انکار کرنا پڑا۔

اداکار نے کہا کہ میں نے برطانیہ میں کئی پروگرامز کیے اور تمام بڑے پلیٹ فارمز سے مجھے پیشکش ہوئی لیکن کبھی کبھار ایک پروگرام آپ کا بہت زیادہ وقت لیتا ہے۔

انیل کپور نے کہا کہ آپ کو طے کرنا پڑتا ہے کہ کیا آپ زندگی کے اس حصے میں کام کے لیے فیملی سے دور رہ سکتے ہیں؟

انہوں نے بتایا کہ جب مجھے بین الاقوامی پروگرامز کی پیشکش ہوئی تو میں نے کہا میری ترجیح بھارت میں رہنا ہے، جو کچھ کروں گا یہیں کروں گا۔

انیل کپور نے بتایا کہ اگر کوئی بہت ہی بڑا پراجیکٹ ہوتا ہے تو میں فیملی سے رضامندی لیتا ہوں، اگر وہ مان جاتے ہیں تو میں حامی بھرتا ہوں۔

ساتھ ہی اداکار نے واضح کیا کہ پہلے میں فیملی سے نہیں پوچھتا تھا لیکن اب میں ان سے معلوم کرتا ہوں کہ اگر وہ اجازت دیں تو میں چند مہینے باہر رہ سکتا ہوں؟