رہنما تحریکِ انصاف شہباز گل نے سیشن کورٹ اسلام آباد میں درخواست ضمانت دائر کردی۔ 

تفصیلات کے مطابق اداروں میں بغاوت پر اکسانے کے الزام کے مقدمے میں شہباز گل نے ضمانت کی درخواست میں مؤقف اختیار کیا کہ میرے خلاف مقدمہ بد نیتی اور سیاسی بغض کی بنیاد پر بنایا گیا۔

رہنما پی ٹی آئی شہباز گل نے درخواست میں مؤقف اپنایا کہ بیان کے توڑ مروڑ کر تقریر کا کچھ حصہ اٹھا کر مقدمہ درج کیا گیا۔ میں پروفیسر ہوں اور  بیرون ملک درس  گاہوں میں پڑھاتا رہا ہوں۔

تحریک انصاف کے رہنما شہباز گل کی جانب سے درخواست میں یہ بھی کہا گیا کہ مقدمہ میں جو دفعات لگی ہیں وہ بنتی ہی نہیں۔  مجھے بد نیتی کے تحت مقدمہ میں پھنسایا گیا ہے درخواست ضمانت منظور کی جائے۔

شہبازگِل جوڈیشل ریمانڈ پرجیل منتقل

گذشتہ دنوں اسلام آباد کی مقامی عدالت نے پولیس کی جانب سے جسمانی ریمانڈ کی استدعا مسترد کرتے ہوئے شہباز گِل کو جوڈیشل ریمانڈ پرجیل بھیج دیا۔

اسلام آباد کی مقامی عدالت نے شہبازگل کے مذید جسمانی ریمانڈ کی استدعا پرفیصلہ محفوظ کیا تھا۔

سماعت کےآغازمیں جوڈیشل مجسٹریٹ ملک امان نے وکیل سے استفسار کیا کہ کیا ملزم آگیا ہے؟ وکیل فیصل چوہدری نے جواب دیا کہ باہررش تو ہے لیکن ابھی نہیں لے کرآئے۔ ایک بجے کا وقت تھا ابھی تک ملزم کو نہیں لایا گیا۔

سماعت کی تفصیل