کہا جاتا ہےکہ احتیاط علاج سے بہتر ہے۔ اور چہرہ انسانی شخصیت کا آئینہ ہوتا ہے تو کیوں نہ کسی نقصان سے پہلے ہی چہرے کی حفاظت کے لئے چند احتیاطی اختیار کی جائیں۔

یہاں پران چند عام غلطیوں کا ذکر کیا جارہا ہے جو عموماً خواتین کرتی ہیں اوراس طرح جہرے پر کئی مسائل جنم لینے لگتے ہیں۔

جب بھی گھر سے باہرجائیں سن اسکرین ضرور لگائیں تاکہ سورج کی مضرشعاعوں سے محفوط رہا جاسکے جو چہرے پر جھائیوں اور جھریوں کا سبب بنتے ہیں۔

سونے سے قبل چہرے سے میک اپ کو اچھی طرح صاف کریں چہرے کی حفاظت کے لئے بہترین عمل ہے۔

دن میں دو بار کسی اچھے فیس واش سے منہ دھونے کو اپنا معمول بنا لیں۔ اس طرح چہرے سے گرد اور میل صاف ہوجائے گا۔

میک اپ کرنے والے تمام ٹول جن میں اسفنج اور برش  کی صفائی کا خاص خیال رکھیں اور انہیں وقتاً فوقتاً صاف کرتے رہیں۔

بالوں میں روزانہ شیمپو کرنے سے گریز کریں کیونکہ اس طرح بال اپنی قدرتی چکنائی کھودیں گے اوریہ فائدے کے بجائے نقصان کا باعث بنے گا۔

کچھ لوگوں کا ماننا ہے کہ مہنگی اور برانڈڈ پروڈکٹس ہی بہتر ہوتی ہیں لیکن ایسا نہیں کم قیمت پروڈکٹس بھی اسی طرح کام کرتی ہیں۔

چہرے کی حفاظت میں گردن کو نظر مت کریں کیونکہ اس پر بھی چہرے کی طرح عمر رسیدگی کے اثرات ظاہر ہوتے ہیں تو چہرے کے ساتھ گردن کی بھی دیکھ بھال کریں۔

چہرے کودھونے کے لئے کبھی بھی گرم پانی استعمال نہ کریں اس طرح یہ جلد پر نقصان کا باعث بنتا ہے اس کی وجہ ہے کہ گرم پانی چہرے کی چکنائی اور نمی کو ختم کر کے اسے خشک کر بنا دیتا ہے۔