پاکستان کے معروف کامیڈین و گلوکارعلی گل پیر کی سوشل میڈیا پر وائرل ہوتی مزاحیہ ویڈیو کو نا صرف پسند کیا جا رہا ہے بلکہ ہر کوئی شئیر بھی کر رہاہے۔

علی گل پیر کی اس مزاحیہ ویڈیو پر پاکستان شوبزانڈسٹری کی نامور اداکارہ  اور ماڈل حمائمہ ملک بھی ہنسے بنا نہ رہ سکیں اور اسے ری پوسٹ کرتے ہوئے صرف ’اف‘ کے لفظ سے اپنے ردعمل کا اظہار کیا۔

واضح رہےکہ گزشتہ روزعلی گل پیر نے فوٹو اینڈ ویڈیو شیئرنگ ایپ انسٹاگرام پر ایک ویڈیو شئیر کی ۔

انہوں نے انسٹاگرام پر شادی شدہ خواتین کے بارے میں ہندوستانی مولوی کے بیان کو اپنے منفرد انداز میں دوبارہ بنایا جس میں وہ اپنے شوہروں کے بارے میں شکایت کرتی ہیں۔

علی گل نے ویڈیو شئیر کرتے ہوئے کیپشن میں لکھا کہ کبھی سوچا ہے میں ایک غیر بدبودار بیوی کیسے بن سکتی ہوں تاکہ میرا شوہر وقت پر گھر آئے؟ آپ کے پاس حل نہیں ہے؟ بہرحال اس آدمی کے پاس اس مسئلے کا حل ہے۔

علی گل پیر کی اس ویڈیو کو ان کے مداحوں کی جانب سے بہت پسند کیا جارہا ہے اور تعریفوں کا سلسلہ بھی جاری ہے۔

اس سے قبل علی گل پیر نے وِل اسمتھ اور کرس راک کی وائرل ویڈیو پر دلچسپ پیروڈی بنائی تھی۔