شیاؤمی نے بھی اب آگمنٹیڈ ریئلٹی گلاسس (عینک) کا نہ صرف اعلان کیا ہے بلکہ اس کی قیمت اور دیگر تفصیلات بھی پیش کردی ہیں۔

اگرچہ شیاؤمی نے آے آر چشمے کا گزشتہ برس اعلان کیا تھا۔ لیکن اب اس کی تفصیلات بھی سامنے آگئی ہیں۔ اول یہ کہ اس اے آر عینک کا نام میجیا رکھا گیا ہے۔

دوم اس کی قیمت 370 ڈالر رکھی گئی ہے جس کا وزن صرف 100 گرام ہے اور اس میں اسنیپ ڈریگن 8 چپ سیٹ لگایا گیا ہے۔ اس میں دوہرے کیمرے نصب ہیں جو پانچ گنا آپٹیکل زوم فراہم کرتے ہیں۔

اس میں 3 جی بی ریم اور 32 جی بی کی اسٹوریج موجود ہے۔ اس کا اندرونی ڈسپلے سونی نے بنایا ہے جو سلیکن پرمبنی اوایل ای ڈی سے بنا ہوا ہے۔ جہاں تک تابندگی یا برائٹ نیس کا تعلق ہے تو وہ 3000 نٹس رکھی گئی ہے جبکہ نیلی روشنی کی سطح کو کم سے کم کیا گیا ہے۔ دو کیمروں میں سے ایک 50 میگا پکسل ہے اور دوسرا کیمرہ صرف 8 میگا پکسل خاصیت رکھتا ہے۔

جہاں تک بیٹری کا سوال ہے وہ 1000 ایم اے ایچ سے کچھ زائد ہوسکتی ہے۔ اب بھی یہ عینک پری آرڈر کے لیے تیار ہے۔