وزیراعظم آزادکشمیر سردار تنویر الیاس کا کہنا ہے کہ بارشوں کے دوران سیاحوں اور مقامی افراد کو کسی قسم کی پریشانی نہیں ہونی چاہیے۔

وزیراعظم تنویر الیاس نے شدید بارشوں کے دوران ریاست کے مختلف مقامات پر لینڈ سلائیڈنگ اور راستوں کی بندش کا نوٹس لے لیا ہے۔

وزیراعظم آزاد کشمیر نے تینوں ڈیویژنز کے کمشنرز کو راستے ہمہ وقت کھلے رکھنے کی ہدایت دی ہے۔

اس کے علاوہ وزیراعظم تنویر الیاس نے 10 شہادتوں اور 4 افراد کے زخمی ہونے پر ایمرجنسی اقدامات کی مانیٹرنگ کی۔

وزیراعظم آزاد کشمیر نے حکم دیا ہے کہ بارشوں کے دوران سیاحوں اور مقامی افراد کو کسی قسم کی پریشانی نہیں ہونی چاہیے۔

انہوں نے مزید کہا کہ بارشوں کے دوران عوام کی نقل و حرکت میں خلل نہیں پڑنا چاہیے، وزراء سمیت خود بھی مانیٹر کررہا ہوں، کسی بھی قسم کی غفلت نہ برتی جائے۔

واضح رہے کہ اچھار نالہ تحصیل داسو، ضلع اپرکوہستان میں سیلاب اور لینڈ سلائیڈنگ کے باعث اچھر نالہ کے مقام پر شاہراہ قراقرم پر قائم پل ٹوٹ گیا۔

اچھار چائنیز کیمپ 1 اور اچھار کیمپ 2 کو مکمل طور پر نقصان پہنچا جبکہ دریا اور پاکستانی کیمپ کو بھی نقصان پہنچا ۔

خیال رہے کہ کوہستان میں کے کے ایچ ہر قسم کے ٹریفک کے لیے بلاک ہوگیا۔