بالی ووڈ کے خطروں کے کھلاڑی اور وراسٹائل اداکاراکشے کمار کی نئی فلم “رکشا بندھن”  11 اگست کو ریلیز ہوگی ، اس فلم میں وہ ایک ایسے بھائی کا کردار ادا کررہے ہیں جن کے کاندھوں پر ان کی بہنوں کی ذمہ داریاں ہیں۔

گزشتہ روز سوشل میڈیا پر اکشے کمار نے ایک وڈیو شئیر کی،  اس وڈیو میں دیکھا جا سکتا ہے کہ وہ اور فلم میں ان کی بہنوں کا کردار کرنے والی تمام لڑکیاں بچپن میں‌ کھیلی جانے والی ایک گیم کھیل رہے ہیں۔

 اکشے کمار نے سوشل میڈیا پر جب یہ وڈیو شئیر کی تو اس کے کیپشن میں لکھا کہ “جو مزہ بہنوں کے ساتھ بچپن کے کھیل کھیلنے میں ہے اس کا کوئی مقابلہ نہیں۔

فلم رکشا بندھن جس روز ریلیز ہو رہی ہے اسی روز عامر خان اور کرینہ کپور کی فلم لال سنگھ چڈھا بھی ریلیز ہو رہی ہے یوں رکشا بندھن کا ٹاکرا ایک بڑی فلم کے ساتھ ہے۔

اکشے کمار کی فلم “رکشا بندھن” پاکستانی فلم کی کاپی نکلی

سوشل میڈیا صارفین کا دعویٰ ہے بالی ووڈ  سپر اسٹار اکشے کمار کی نئی فلم رکشا بندھن پاکستانی فلم لوڈ ویڈنگ کا چربہ ہے۔

https://twitter.com/mahwashajaz_/status/1539316897174302722?s=20&t=gurVVN2UcIyLJ2pig-nkFg

ایسا لگتا ہے کہ بالی وُوڈ میں کہانیوں کے حوالے سے تخلیقی صلاحیتیں ختم ہو چکی ہیں، شاید پاکستانی فنکاروں پر پابندی کے بعد ہماری پڑوسی فلم انڈسٹری میں نہ صرف ٹیلنٹ بلکہ آئیڈیاز کی بھی کمی ہو رہی ہے۔

ایک کے بعد ایک پاکستانی فلموں، گانوں اور میوزک ویڈیوز سرحد پار بڑے پیمانے پر کاپی یا چوری کی  جا رہی ہیں، اور اس بار نبیل قریشی کی سپر ہٹ فلم لوڈ ویڈنگ کا چرچا ہے۔

لوڈ ویڈنگ اور رکشا بندھن

لوڈ ویڈنگ میں فہد مصطفیٰ، مہوش حیات اور فائزہ حسن نے نمایاں کردار ادا کیے تھے اور اب اکشے کمار کی آنے والی فلم رکشا بندھن بھی اسی سے کافی متاثر دکھائی دے رہی ہے۔

نہ صرف فلم کی ترتیب ایک جیسی ہے، بلکہ اکشے کمار نے بھی فہد مصطفیٰ کے کردار سے متاثر ایک کردار ادا کیا ہے، اور فائزہ حسن کی بہن کو چار بہنوں میں تقسیم کیا گیا ہے، بھومی پڈنیکر مہوش حیات کا کردار نبھا رہی ہیں۔