امیر جماعت اسلامی کراچی حافظ نعیم الرحمان کا کہنا ہے کہ کے الیکٹرک کو قومی تحویل میں لے کر فرانزک آڈٹ کیا جائے۔

حافظ نعیم الرحمان نے کراچی میں میڈیا سے گفتگو کرتے ہوئے کہا کہ ایم کیوایم کا عسکری ونگ کے الیکٹرک کی ریکوری کرتا تھا، کےالیکٹرک کے خلاف 10سال سے کیسز زیر سماعت ہیں، ہماری درخواست پر سماعتیں نہیں ہوتیں۔

انہوں نے کہا کہعارف نقوی پر ن لیگ کا اعلامیہ سامنے کیوں نہیں آرہا؟ نوازشریف، حمزہ شہباز نے عارف نقوی پر بیان کیوں نہیں دیا۔

امیر جماعت اسلامی حافظ نعیم الرحمان نے مزید کہا کہ ایم کیوایم نے مشرف کے ساتھ ملکر کے الیکٹرک کو بیچا۔

واضح رہے کہ کے الیکٹرک  نے بجلی 11 روپے 34 پیسے فی یونٹ مہنگی کرنے کی درخواست دائرکی ہے جس پر نیپرا آج سماعت کرے گا۔

کراچی والوں کو بجلی کا ایک اور جھٹکا دینے کی تیاری کر لی گئی، کے الیکٹرک  نے ماہانہ فیول پرائس ایڈجسٹمنٹ کی مد میں بجلی  مہنگی کرنے کی درخواست دائر کر دی۔

نیپرا کو بجلی 11 روپے 34 پیسے فی یونٹ مہنگی کرنے کی درخواست دی گئی ہے، کے الیکٹرک نے مئی کی ماہانہ فیول پرائس ایڈجسٹمنٹ کی مد میں درخواست دائر کی ہے۔

یہ بھی پڑھیں: کراچی والوں پر ایک اور بجلی بم گرادیا گیا

نیپرا فیول پرائس ایڈجسٹمنٹ کے بارے میں آج سماعت کرے گا، درخواست منظور ہونے کی صورت میں کراچی کے عوام کو 22 ارب 65 کروڑ روپے کا اضافی بوجھ برداشت کرنا پڑے گا۔