پاکستان تحریک انصاف کے رہنما شہباز گل نے کہا ہے کہ ملک کی مکمل معاشی بہتری شفاف الیکشن سے ممکن ہے۔

تفصیلات کے مطابق پاکستان تحریک انصاف کے رہنما شہباز گل نے ٹوئٹر پر جاری ایک پیغام میں کہا ہے کہ رجیم چینج کے بعد پیدا ہونے والی سیاسی صورتحال کے نتیجے میں ملک میں معاشی ابتری پیدا ہوئی۔

انہوں نے کہا کہ پنجاب میں عوام کی نمائندہ حکومت کے آنے سے سیاسی استحکام کا تاثر پیدا ہوا، ڈالر اور اسٹاک مارکیٹ میں بہتری کا رجحان ہے لیکن چار ماہ میں مہنگائی کا جو بم عوام پر گر چکا ملک کا ہزاروں ارب روپے کے نقصان کا مداوا ممکن نہیں۔

  شہباز گل نے کہا کہ یہ سب کچھ نہ ہوتا اگر عمران خان کی جانب سے نئے الیکشن کے اعلان کا انتظار کرتے اور چوروں کو مسلط نہ ہونے دیا جاتا، اب ملک کی مکمل معاشی بہتری شفاف الیکشن سے ہی ممکن ہے۔

     پاکستان تحریک انصاف کے رہنما نے کہا کہ امپورٹڈ ٹولہ عوام سےخوفزدہ ہے، عوامی مینڈیٹ کی بجائے ٹیکنیکل بنیاد پر عمران خان کو ہرانے کے خواب دیکھ رہا ہے۔

کے نقصان کا مداوا ممکن نہیں
یہ سب کچھ نہ ہوتا اگر عمران خان کا نئے الیکشن کا اعلان پورا کرکے چوروں کو مسلط نہ ہونے دیا جاتا
ملک کی مکمل معاشی بہتری شفاف الیکشن سے ممکن ہے
امپورٹڈ ٹولہ عوام سےخوفزدہ ہے عوامی مینڈیٹ کی بجائے ٹیکنیکل بنیاد پر عمران خان کو ہرانے کے خواب دیکھ رہا ہے

— Dr. Shahbaz GiLL (@SHABAZGIL) August 4, 2022