پاکستان شوبز انڈسٹری کی مشہور اداکارہ اور تمغئہ امتیاز پانے والی مہوش حیات کی تفریحی پارک میں جھولا جھولتے ویڈیو سوشل میڈیا پر وائرل ہو گئی ہے۔

اداکارہ کی جانب سے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی گئی ہے۔

مہوش حیات کی جانب سے شئیر کی گئی ویڈیو میں دیکھا جاسکتا ہے کہ وہ میری گو راؤنڈ جھولے پر بیٹھی بچوں کی طرح انجوائے کر رہی ہیں۔

اس ویڈیو کو اداکارہ کے مداحوں کی جانب سے بہت پسند کیا جارہا ہے اور تبصروں کا سلسلہ بھی جاری ہے۔

اس سے قبل اداکارہ نے اپنے انسٹاگرام اکاؤنٹ پر چند تصاویر شیئر کی تھیں جس کو دیکھنے کے بعد مداحوں کا پارہ ہائی ہوگیا اور انہوں نے اداکارہ کو تنقید کا نشانہ بنایا۔

شیئر کی گئی تصاویر میں اداکارہ نے سنہرے رنگ کا غیر مناسب لباس زیب تن کیا ہوا تھا۔

کچھ سوشل میڈیا صارفین نے ان کے اس انداز پر تنقید کی تو کچھ نے انہیں مناسب لباس پہنے کا مشورہ دیا۔

یاد رہے کہ معروف ادکارہ مہوش حیات کئی مشہور ڈراموں اور فلموں میں اپنی شاندار اداکاری کے جوہر دکھا چکی ہیں۔