روس نے یورپ کو گیس سپلائی کرنے والی پائپ لائن میں گیس لیکج کو ریاستی دہشت گردی قرار دے دیا ہے۔

غیر ملکی میڈیا کے مطابق کریملن کا کہنا ہے کہ یورپ کو گیس سپلائی کرنے والی روس کی زیر سمندر پائپ لائنوں میں لیکیج کا معاملہ ریاستی دہشت گردی کی کارروائی لگتا ہے۔

ترجمان کریملن دیمتری پیسکوف نے مزید کہا کہ روس سے جرمنی جانے والی دو گیس پائپ لائنوں میں لیکیج دہشت گردی کی کارروائی کی طرح ہے۔

 گیس لیکیج کا واقعہ ممکنہ طور پر ریاستی سطح کی دہشت گردی ہے۔

یہ بہت خطرناک صورتحال ہے اور اس کی فوری تحقیقات کی ضرورت ہے۔

رواں ہفتے بحیرہ بالٹک میں نارڈ اسٹریم گیس پائپ لائن ون اور ٹو میں دھماکے رپورٹ ہونے کے بعد پائپ لائنوں سے چار جگہ گیس اخراج کی تصدیق ہوئی ہے۔

جبکہ روسی پائپ لائن میں لیکج  کی فضائی فوٹیج جاری کی گئی ہے۔

تاہم نیٹو ذرائع کا کہنا ہے کہ یہ واقعات جان بوجھ کر لاپرواہی اور تخریب کاری کی غیر ذمہ دارانہ کارروائیوں کا نتیجہ ہیں۔

یورپی یونین کے سربراہ جوزپ بوریل نے اس ہفتے روس اور جرمنی میں دو گیس پائپ لائنوں میں لیک کو اتفاق کے بجائے جان بوجھ کر کیا گیا عمل قرار دیا ہے۔