سعودی عرب کی وزارت حج و عمرہ نے عمرہ زائرین کے لیے آن لائن عمرہ پیکج کا انتخاب کرنے کی سہولت فراہم کر دی ہے۔

تفصیلات کے مطابق سعودی عرب کی وزارت حج وعمرہ نے مملکت سےباہرسے آنے والے عازمین عمرہ کے ویزوں کوالیکٹرانک پلیٹ فارم “مقام” کے ذریعے عمرہ پیکج کا انتخاب کرنے کی سہولت کو ممکن بنایا ہے۔

اس سہولت کے ذریعے مملکت سے باہر آسان الیکٹرانک طریقہ کار کے اندر حقوق کے تحفظ اور اعلیٰ معیار کی خدمات کی فراہمی کو یقینی بنانے کی کوشش کی گئی ہے۔

مملکت سے باہر سے آنے والے عمرہ زائرین متحدہ پلیٹ فارم لنک کے ذریعے مجاز ایجنٹس کے پلیٹ فارمز میں سے کسی ایک کا انتخاب کرنے کے لیے بذریعہ آن لائن “مقام”  میں داخل ہوسکتے ہیں۔

عمرہ زائرین وہاں سے عمرہ زائرین خدمات بھی بک کر سکتے ہیں اور ویزا  آن لائن درخواست کے لیے ایک حوالہ نمبر حاصل کر سکتے ہیں۔ اس کے بعد ویزا درخواست کو مکمل کرنے اور پرنٹ کرنے کے لیے قومی ویزا پلیٹ فارم پر جائیں۔