سعد رفیق نے کہا ہے کہ کوئٹہ زاہدان فریٹ آپریشن کے لیے ڈیڈیکیشن ٹیم مقرر کی جائے۔

تفصیلات کے مطابق وفاقی وزیر ریلوے خواجہ سعد رفیق کی زیرِ صدارت اجلاس ہوا جس میں انہیں ریلوے ڈرائی پورٹس کی کارکردگی پر بریفنگ دی گئی۔

اجلاس کی صدارت کرتے ہوئے وفاقی وزیر ریلوے خواجہ سعد رفیق نے کہا کہ تجارت کو فروغ دینے اور ریونیو بڑھانے کیلیے تمام پورٹس کی ایویلیوایشن رپورٹ وزارت میں بھجوائی جائے۔

انہوں نے کہا کہ کوئٹہ زاہدان سیکشن کا ٹرن اراؤنڈ ٹائم کم کرنے، سیکشن کا تفصیلی سروے کرنے اور ٹریک کو مزید فٹ کرنے کے لیے فنڈز مختص کیے جائیں۔

ان کا یہ بھی کہنا تھا کہ کوئٹہ زاہدان فریٹ آپریشن کے لیے ڈیڈیکیشن ٹیم مقرر کی جائے اور سبی ہرنائی سیکشن پر سیلابی نقصانات کی ریپیئر اور نامکمل سیکشن کی جلد از جلد تکمیل کی جائے گی۔

وفاقی وزیر ریلوے خواجہ سعد رفیق نے مزید کہا کہ عوامی سہولت کیلیے، چین سے نئی کوچز کو مقررہ وقت سے پہلے منگوانے کی درخواست بھی کی جائے گی۔