آسٹریلیا کے خلاف ٹی ٹوئنٹی سیریز میں بھارتی کرکٹ ٹیم کی 2-1 سے کامیابی پر لائیو شو میں سنیل گواسکر کے ڈانس کی ویڈیو وائرل ہو گئی۔

تفصیلات کے مطابق آسٹریلیا کے خلاف 3 ٹی ٹوئنٹی میچوں کی سیریز میں بھارت نے آخری میچ میں آسٹریلیا کو 6 وکٹوں سے شکست دے کر سیریز اپنے نام کی تھی۔

تیسرے اور فیصلہ کن میں آسٹریلیا کے خلاف ہندوستان کی فتح کے بعد لیجنڈ سنیل گواسکر خود پر قابو نہ پا سکے اور والہانہ انداز میں رقص کرنے لگے۔

pic.twitter.com/65SN6jktCf

Advertisement

— Bleh (@rishabh2209420) September 26, 2022

راجیو گاندھی انٹرنیشنل اسٹیڈیم میں ہونے والا میچ اس وقت سنسنی خیز ہو گیا جب میزبان ٹیم کو آخری دو گیندوں پر جیتنے کے لیے چار رنز درکار تھے، آل راؤنڈر ہاردیک پانڈیا نے چوکا لگا کر بھارت کی کامیابی کا اعلان کیا۔

اس جیت کے ساتھ بھارت نے رواں سال میں ٹی ٹوئنٹی میں اپنی 21 ویں جیت درج کی جو کسی کیلنڈر سال میں کسی بھی ٹیم کی سب سے زیادہ جیت ہے۔

بھارت کی جیت کے بعد کرکٹر سے تجزیہ کار بنے سنیل گواسکر نے لائیو ٹی وی پروگرام میں ڈانس کیا جس کی ویڈیو وائرل ہو گئی۔

اس ویڈیو میں سنیل گواسکر کو آفیشل براڈکاسٹر کے میچ کے بعد کے پروگرام میں آسٹریلیا کے بیٹسمین میتھیو ہیڈن کے سامنے خوشی میں رقص کرتے دیکھا گیا۔