سردار شاہ نے کہا ہے کہ آئی بی اے کے تحت ہونی والی بھرتیاں میرٹ کی بنیاد پر ہونگی۔

تفصیلات کے مطابق صوبائی وزیر تعلیم سردار شاہ نے شہباز ہال میں پریس کانفرنس سے خطاب کرتے ہوئے کہا کہ حیدرآباد آنے کا مقصد اساتذہ کی بھرتیوں کے سلسلے میں تھا۔

انہوں نے کہا کہ محکمہ تعلیم میں کافی آفر آڈرز ڈلے ہوررہے تھے لیکن اب انہوں نے پندرہ اکتوبر تک سندھ میں بھرتیوں کا تمام عمل مکمل کرنے کے احکامات دیئے ہیں،60 ہزار تک یہ بھرتیاں ہوسکتی ہیں۔

ان کا کہنا تھا کہ سیلاب سے جو مشکلات تھی اس میں 22 ہزار اسکلولز تعلیم دینے کے قابل نہیں، 5 ہزار اسکلولز میں آئی ڈی پیز موجود ہیں، 17 ہزار اسکول ایسے ہیں جو سیلاب اور بارش کی وجہ سے تباہ ہوچکے ہیں جبکہ کوڈ کی وجہ سے بھی 28 لاکھ کے قریب بچوں کی تعلیم متاثر ہوئی ہے۔

سردار شاہ نے یہ بھی کہا کہ اسکولوں کو سیلاب کے نقصانات کی وجہ سے وہاں تدریسی عمل ہونا مشکل ہے لیکن ایسے اسکول جہاں اس وقت سیلاب کا پانی ہے وہاں ٹینٹ اسکول کا قیام کیا جائے۔

پریس کانفرنس کے دوران انہوں نے آئی ڈی پیز والے اسکلولز کے حوالے سے متعلقہ ڈی سیز کو کہیں اور انتظامات کروانے کی ہدایت دی جبکہ سردار شاہ نے ڈی سیز کو اسکلولز کے ٹینٹس آئی ڈی پیز کے لئے استعمال نہ کرنے کی سختی سے ہدایت بھی دی۔

صوبائی وزیر تعلیم سردار شاہ نے مزید کہا کہ آئی بی اے کے تحت ہونی والی بھرتیاں میرٹ کے بنیاد پر ہونگی، ان بھرتیوں میں کوئی بھی سیاسی مداخلت نہیں ہوگی۔