پاکستان کے نمبر ون چینل ’’بول انٹرٹینمنٹ‘‘ کے مشہور پروگرام ’’دی انسٹا شو‘‘ میں اس بار منفرد انداز رکھنے والے اداکار ومیزبان مصطفیٰ چوہدری میزبان متھیرا کے مہمان بنیں گے۔

اس حوالے سے اداکارہ متھیرا نے اپنے انسٹاگرام اکاؤنٹ پر پروگرام کا ایک ٹیزر بھی شیئر کیا جس میں وہ اداکار مصطفیٰ چوہدری کے ساتھ انتہائی خوشگوار موڈ میں دکھائی دے رہی ہیں۔

پروگرام کے آغاز میں دونوں ایک دوسرے کے لیے تعریفی کلمات ادا کرتے ہیں جس کے بعد میزبان متھیرا ، اپنے مہمان مصطفیٰ چوہدری کی اسٹائلنگ کو لے کر ان کے ساتھ مذاق کرتی ہیں جس سے مصطفیٰ چوہدری خوب محظوظ ہوتے ہیں۔

متھیرا نے انسٹاگرام پر اپنی پوسٹ میں لکھا ’’میری پسندیدہ شخصیت مصطفیٰ چوہدری کے ساتھ ’’دی انسٹا شو‘‘ کے لیے تیار رہیں۔‘‘

انہوں نے لکھا ’’سچ بتاؤں تو مجھے مصطفیٰ چوہدری کے ساتھ پروگرام کرنے میں بے حد مزا آیا، یہ انتہائی دلچسپ اور مزاحیہ پروگرام ہوگا جو سب کو پسند آئے گا لہذا یہ شو ضرور دیکھئے گا۔‘‘

متھیرا نے مزید کہا کہ ہر بدھ کی رات 9 بجے بول انٹرٹینمنٹ پر ’’دی انسٹا شو‘‘ دیکھنا مت بھولیے گا۔

بول نیٹ ورک کی جانب سے پروگرام کا ایک ٹیزر بھی اپنے یوٹیوب چینل پر جاری کیا گیا جس میں میزبان متھیرا اپنے مہمان سے مختلف شخصیات کی آواز نکالنے کا مطالبہ کرتی ہیں جو مصطفیٰ چوہدری بخوبی ادا کرتے ہیں۔

دوسری جانب سوشل میڈیا صارفین کی جانب سے متھیرا کی اس پوسٹ پر دلچسپ تبصرے بھی دیکھنے کو ملے۔ کچھ صارفین نے تو مصطفیٰ چوہدری کو سنی لیون کا چھوٹا بھائی قرار دے دیا۔