استعفوں کی منظوری سےمتعلق پی ٹی آئی ارکان اسمبلی نے اسلام آباد ہائی کورٹ سے رجوع کرلیا۔ 

تفصیلات کے مطابق تحریکِ انصاف سے تعلق رکھنے والے ارکانِ اسمبلی نے اسلام آباد ہائی کورٹ میں درخواست دائر کی جس میں استدعا کی گئی کہ عدالت اسپیکر کو ہدایت دے کہ وہ استعفوں کی منظوری سے متعلق اپنی آئینی ذمہ داری پوری کرے۔

تحریکِ انصاف کی درخواست میں یہ بھی استدعا کی گئی کہ عدالت اسپیکر کو حکم دے کہ وہ درخواست گزاروں اور دیگر 112 ارکان کو بلائے۔

درخواست میں مؤقف پیش کیا گیا کہ اسپیکر تحقیق کرلے جنھوں نے استعفے دیے انھوں نے آرٹیکل 64 کے تحت مرضی سے استعفے دیے۔ قانون کے مطابق پٹشنرز کو سنے بغیر اسپیکر استعفوں متعلق اطمینان نہیں کر سکتا۔ ابھی الیکشن کا اعلان نہیں ہوا 123 ارکان کے استعفوں کو ایک ساتھ دیکھا بھی نہیں گیا۔

درخواست گزاروں نے مؤقف اپنایا کہ اس لیے پٹشنرز کا استعفوں سے متعلق لیٹر مؤثر نہیں رہا۔ ممبر اسمبلی شکور شاد کا استعفی منظور ہوا تو انہوں نے درخواست دی اسپیکر نے سنے بغیر استعفی منظور کر لیا۔ شکور شاد کی درخواست پر ہائی کورٹ انکا استعفی منظوری کا نوٹیفکیشن معطل کردیا۔ پٹشنرز اسپیکر کے سامنے پیش نہیں ہوئے اس لیے ان کے استعفے منظور نہیں ہوئے۔

علی محمد خاں، فضل محمد خان، شوکت علی، ڈاکٹر شیری مزاری اور ڈاکٹر شاندانہ گلزار، فخر زمان خان ، فرخ حبیب، اعجاز شاہ ، جمیل احمد ، محمد اکرم درخواست گزاروں میں شامل ہیں۔