بھارتی چور کی ویڈیو نے سب کو ہنسنے پر مجبور کردیا۔

 سوشل میڈیا پروائرل ہونے والے ایک چور نے سب کی توجہ حاصل کرلی۔

وائرل ہونے والی ویڈیو میں دیکھا جاسکتا ہے کہ ایک لڑکے نے ایک بائیک چوری کی لیکن جیسے ہی بائیک کے اصل مالک کو چوری کا پتا چلتا ہے تو وہ فوراً چور کا پیچھا کرنا شروع کر دیتا ہے۔

ویڈیو میں دو لڑکوں کو چور سے بات کرتے ہوئے دیکھا جا سکتا ہے۔

 ایک لڑکا چور سے سوال کرتا ہے کہ یہ بائیک کب لی جس پرچور جواب دیتا ہے کہ ابھی دو ہفتے ہوئے ہیں۔

جس پرلڑکا ایک اور سوال کرتا ہے بائیک کا نمبر کیا ہے ، اس سوال پر چور فوراً بائیک کا نمبردیکھنے لگتا ہے۔

تاہم فوراً بائیک کا مالک بائیک کا نمبر بتا کر چور سے کہتا ہے کہ تمہیں پتا ہے کہ مجھے کیسے معلوم ہوا بائیک کا نمبر؟ ساتھ ہی مالک فوراً خود جواب دیتا ہے کہ یہ بائیک میری ہی چوری کی ہے۔

 تاہم دونوں لڑکوں کو ویڈیو میں چور کو مارتے ہوئے بھی دیکھا جا سکتا ہے۔

انسٹاگرام پر وائرل ہونے والی ویڈیو کو دلچسپ کیپشن کے ساتھ شئیر کیا جس میں لکھا کہ تجھے کیا لگا ہم دھکا لگانے آئے ہیں۔