سابق عالمی نمبر ایک سیمونا ہالیپ کو یو ایس اوپن میں ممنوعہ مادہ روکساڈسٹیٹ کے ٹیسٹ مثبت آنے کے بعد معطل کر دیا گیا ہے۔

تفصیلات کے مطابق خواتین کی سابق عالمی نمبر ایک ٹینس کھلاڑی سیمونا ہالیپ کا کہنا ہے کہ ڈوپنگ کے الزام میں عارضی طور پر معطل کیے جانے کے بعد وہ اب سچائی کے لیے لڑیں گی۔

انٹرنیشنل ٹینس انٹیگریٹی ایجنسی نے آج اپنے بیان میں کہا کہ رومانیہ کی ٹینس سٹار سیمونا ہالیپ جس نے دو گرینڈ سلم ٹائٹل جیتے ہیں، کو عارضی طور پر معطل کر دیا گیا ہے کیونکہ اس کا ممنوعہ بلڈ بوسٹر روکسڈسٹیٹ کا ٹیسٹ مثبت آیا ہے۔

واضح رہے کہ ہالیپ کا یو ایس اوپن کے دوران تجربہ کیا گیا، جہاں اس کے اے اور بی دونوں نمونے روکسادسٹیٹ کی موجودگی کے ساتھ پائے گئے، جو کہ خون کی کمی کے خلاف ایک دوا ہے جو خون کے سرخ خلیات کی پیداوار کو تیز کرتی ہے.

2019 ومبلڈن چیمپئن نے پابندی کو اپنی زندگی کا سب سے بڑا جھٹکا” قرار دیا اور جان بوجھ کر کوئی ممنوعہ چیز لینے سے انکار کیا۔

pic.twitter.com/bhS2B2ovzS

— Simona Halep (@Simona_Halep) October 21, 2022

سیمونا ہالیپ نے سوشل میڈیا پر کہا کہ آج میری زندگی کا سب سے مشکل میچ شروع ہوتا ہے اور میں اب سچائی کی لڑائی لڑوں گی۔

سیمونا نے کہا کہ مجھے مطلع کیا گیا ہے کہ میرے جسم میں انتہائی کم مقدار میں بلڈ بوسٹر روکسڈسٹیٹ نامی مادے کے اجزاء پائے گئے ہیں۔

عالمی نمبر ایک نے مزید کہا کہ پورے کیریئر میں دھوکہ دہی کا خیال ایک بار بھی میرے ذہن میں نہیں آیا، کیونکہ یہ ان تمام اقدار کے خلاف ہے جن کے ساتھ میں نے تعلیم حاصل کی ہے۔ اس طرح کی غیر منصفانہ صورتحال کا سامنا کرتے ہوئے، میں مکمل طور پر الجھن اور دھوکہ دہی کا شکار ہوں۔

ہالیپ نے مزید کہا کہ ان کی لڑائی ٹائٹل یا پیسے کے بارے میں نہیں تھی بلکہ ان کی عزت کے بارے میں تھی اور انہیں امید تھی کہ آخرکار سچ سامنے آئے گا۔