عدالت نے سیہون بم دھماکے کے ملزم فرقان عرف اعظم کو مزید چار مقدمات میں سزا سنا دی۔

تفصیلات کے مطابق انسداد دہشت گردی عدالت کراچی نے سیہون بم دھماکے کے ملزم فرقان عرف اعظم کو مزید چار مقدمات میں سزا سنادی۔

عدالت نے ملزم فرقان کو مجموعی طور پر مجموعی طور پر 35 سال قید کی سزا سنائی اور ملزم پر دو لاکھ روپے جرمانہ بھی عائد کیا۔

انسدادِ دہشت گردی کی عدالت نے ملزم کی منقولہ اور غیر منقولہ جائیداد ضبط کرنے کا حکم دیتے یوئے کہا کہ جرمانے کی رقم سرکاری خزانے میں جمع کرائی جائے۔

ملزم کو دھماکہ خیز مواد رکھنے پر 14 سال قید کی سنائی گئی۔ عدالت نے غیر قانونی اسلحہ کے تین مقدمات میں 7’7 سال قید کی سزا سنائی۔

ملزم کے خلاف ملیر سٹی تھانے میں 2020 میں مقدمات درج کیے گیے تھے۔ ملزم فرقان کو سیہون بم دھماکہ کیس میں 80 مرتبہ سزا موت سنائی جا چکی ہے۔

سندھ ہائیکورٹ بھی ملزم کی سزائے موت کے خلاف اپیل مسترد کرچکی ہے۔