رانا ثناءاللہ کی زیرصدارت امن وامان کےمتعلق اسٹیرنگ کمیٹی کا اجلاس ہوا۔

اجلاس میں دہشت گردی واقعات کے مکمل کنٹرول کے حوالے سے مخلتف تجاویز پر تبادلہ خیال کیا گیا۔

 سٹیرنگ کمیٹی نے خیبرپختونخواہ بلخصوص سوات میں حالیہ دہشت گردی واقعات کا تفصیلی جائزہ لیا۔

 اجلاس میں تحریک طالبان پاکستان سے مذاکرات کا معاملہ بھی زیرغور آیا۔

خیبر پختونخواہ میں دہشت گردی کے بڑھتے ہوئے واقعات پر کمیٹی نے اظہار تشویش کیا جبکہ کمیٹی نے دہشت گردی کے خلاف سوات کے عوام کیساتھ یکجہتی کا اظہار بھی کیا۔

وفاقی حکومت نے خیبرپختونخوا میں دہشت گردی کے خاتمے کے لیے بھرپور مدد دینے کا فیصلہ بھی کیا۔

اجلاس میں کمیٹی اراکین ایم این اے خالد مقبول صدیقی، ایم این اے خالد حسین مگسی، ایم این اے محسن داوڑ، مشیر وزیراعظم انجینئر امیر مقام، انجینئر شوکت اللہ خان اور سابق سینیٹرمحمد صالح شاہ شریک تھے۔