عمر سر فراز چیمہ نے کہا ہے کہ آج پنجاب میں مجموعی طور پر ضمنی انتخابات کا عمل پر امن رہا ہے۔

تفصیلات کے مطابق مشیرِ داخلہ و اطلاعات پنجاب عمر سرفراز چیمہ نے اپنے ایک بیان میں کہا کہ آج پنجاب بھر میں مجموعی طور پر ضمنی انتخابات کا عمل پر امن رہا ہے جبکہ انتظامیہ، پولیس اور دیگر متعلقہ اداروں نے بھی پیشہ ورانہ ذمہ داریاں احسن طریقے سے ادا کی ہیں۔

انہوں نے کہا کہ پنجاب حکومت کے مخالف امیدواران نے بھی حکومتی اقدامات کی تعریف کی ہے۔

مشیرِ داخلہ و اطلاعات پنجاب عمر سرفراز چیمہ نے مزید کہا کہ حکومت پنجاب نے کسی بھی سیاسی وابستگی سے بالاتر ہو کر اپنے فرائض سر انجام دیئے ہیں۔