یہ دنیا ہمیں روز ہی حیرت میں مبتلا کرتی ہے اس کی وجہ یہ ہے کہ آئے دن کوئی بھی نئی مخلوق یا کسی جانور کی ایسی نایاب یا انوکھی قسم دریافت ہوتی ہے جسے دیکھ کر عقل دنگ رہ جاتی ہے۔ کہاجاتا ہے کہ سمندر میں اتنی مخلوق ہے جسے ابھی تک دریافت ہی نہیں کیا گیا ہے۔

حال ہی میں عمان کے سمندر سے مچھلی کی ایک نئی قسم دریافت ہوئی ہے جسے آج سے پہلے عمان کے ساحل پر نہیں دیکھا گیا یہی وجہ ہے اس نایاب قسم کی مچھلی کو ڈائریکٹوریٹ جنرل آف فشریز کے حوالے کردیا گیا ہے۔

غیر ملکی میڈیا کے مطابق عمان کی وزارت زراعت، ماہی پروری اور آبی و سائل کا اس ضمن میں کہنا ہے کہ ایک مچھیرے نے میربت کے ساحل سے دور دھوفر کے مقام سے ایک ایسی مچھلی پکڑی ہے جو اس سے پہلے اس ساحل پر کبھی نہیں دیکھی گئی

https://twitter.com/MAFWR_OM/status/1574710127365861376?ref_src=twsrc%5Etfw%7Ctwcamp%5Etweetembed%7Ctwterm%5E1574710127365861376%7Ctwgr%5E548fa3cdeaf6a699675847e18c7c5262b6d93c7c%7Ctwcon%5Es1_&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FMAFWR_OM2Fstatus2F1574710127365861376widget%3DTweet

وزارت کے مطابق مچھیرے نے اس حیرت انگیز مچھلی کو ڈائریکٹوریٹ جنرل آف فشریز ریسرچ کے حوالے کر دیا، اور کہا جارہا ہے کہ یہ مچھلی سائنسی ریکارڈ اور عمان کی حیاتیاتی تنوع میں ایک بہترین اضافہ ہے۔

واضح رہے کہ یہ چھلی دو میٹر سے زیادہ لمبی  ہے اور دنیا بھر کے معتدل سمندروں میں پائی جاتی ہے۔ وزارت نے مچھیرے کے تعاون کرنے پر عمان فشرمین ایسوسی ایشن کا شکریہ ادا کیا۔

وزارت نے تمام ماہی گیروں پر زور دیتے ہوئے کہا کہ وہ مچھلی کی کسی بھی نئی نسل یا قسم کے بارے میں علم ہونے پر اطلاع دیں۔ ساتھ ہی اس بات سے خبردار کیا گیا ہے کہ اس مچھلی کا گوشت صحت کے لیے نقصان کا باعث بن سکتا ہے اور اسے بطور غذا استعمال کرنے پر ڈائریا ہوسکتا ہے۔