عمر سر فراز چیمہ نے کہا ہے کہ شریف خاندان ملکی آئین و قوانین کی دھجیاں اڑا رہا ہے۔

تفصیلات کے مطابق مشیر اطلاعات پنجاب عمر سر فراز چیمہ نے اپنے ایک بیان میں کہا کہ ایک بھگوڑا باہر بیٹھ کر ملکی اداروں کو بد نام کر رہا ہے۔

انہوں نے کہا کہ نواز شریف نے قومی اداروں پر سنگین الزامات لگائے ہیں جبکہ شریف خاندان ملکی آئین و قوانین کی دھجیاں اڑا رہا ہے۔

ان کا کہنا تھا کہ ایک بھگوڑے مجرم کے عوام سے خطاب کو زبردستی ریاستی وسائل سے نشر کروانا قابلِ مذمت ہے، نواز شریف کی تقریر میں انکی اداروں کے خلاف انتقامی سوچ واضح نظر آتی رہی ہے۔

 ان کا یہ بھی کہنا تھا کہ عمران خان کی مقبولیت نے پی ڈی ایم کے اعصاب شل کر دیئے ہیں۔

مشیر اطلاعات پنجاب عمر سر فراز چیمہ نے مزید کہا کہ خواجہ آصف کی جانب سے عمران خان کے خلاف مذہب کارڈ کا استعمال افسوسناک ہے، ملک کے گرم ہوتے ہوئے سیاسی ماحول میں ایسے بیانات بدامنی کا باعث بن سکتے ہیں۔