مستونگ کے علاقے قابو میں دھماکے کے باعث 3 افراد جاں بحق جبکہ 6 افراد زخمی ہو گئے ہیں۔

تفصیلات کے مطابق مستونگ شہر میں ہونے والا دھماکہ دو گاڑیوں کو نشانہ بنا کر کیا گیا۔

لیویز انتظامیہ کا کہنا ہے کہ دھماکہ اس وقت ہوا جب قبائلی لوگ اپنے ایک شخص کو دفنانے کے بعد واپس آرہے تھے، ابتدائی تحقیقات کے مطابق دھماکہ ریموٹ کنٹرول سے ہوا۔

انتظامیہ نے کہا کہ لاشوں اور زخمیوں کو کوئٹہ منتقل کیا جا رہا ہے، دھماکہ ان افراد پر ہوا جو گزشتہ رات مقتول شخص کی لاش لینے قابو (دشت) گئے تھے۔

لیویز انتظامیہ کا کہنا ہے کہ ٹیوب ویل پر کام کرنے والے شخص کو قتل کر کے لاش ویرانے میں پھینکی گئی تھی۔