پاکستان کے کپتان بابر اعظم نے نیوزی لینڈ کے خلاف 79 رنز کی شاندار اننگ کھیل کر ویرات کوہلی اور روہت شرما کا ریکارڈ برابر کر دیا۔

تفصیلات کے مطابق پاکستان کرکٹ ٹیم کے کپتان بابر اعظم نے ایشیا کپ میں خراب فارم کو پیچھے چھوڑتے ہوئے واپسی کرلی ہے۔ پاکستان نے نیوزی لینڈ میں کھیلی جارہی سہ فریقی سیریز میں مسلسل دوسری جیت درج کی ہے۔

سہ فریقی سیریز کے دوسرے میچ میں میزبان ٹیم نے 8 وکٹوں پر 147 رنز بنائے۔ کپتان بابر اعظم کی 79 رنز کی اننگز کی بدولت ٹیم نے یہ ہدف 18.2 اوورز میں 4 وکٹوں کے نقصان پر حاصل کر لیا۔

اس میچ میں بابر اعظم نے نصف سنچری بنا کر ویرات کوہلی اور روہت شرما کا ایک ساتھ الگ الگ ریکارڈ کی برابری کرلی۔

سہ فریقی سیریز کے پہلے میچ میں بنگلہ دیش کو شکست دینے والی پاکستانی ٹیم نے دوسرے میچ میں نیوزی لینڈ کے خلاف زبردست جیت درج کی۔

شاندار فارم میں چل رہے حارث رؤف کے سامنے کیوی بلے باز بے دم نظر آئے۔ انہوں نے 4 اوورز میں 28 رنز دے کر 3 اہم وکٹیں حاصل کیں۔ اس کے علاوہ محمد وسیم اور نواز نے 2-2 بلے بازوں کو آؤٹ کیا۔

گیند بازوں نے نیوزی لینڈ کو چھوٹے اسکور پر روک دیا اور کپتان بابر اعظم نے اس کا بھرپور فائدہ اٹھایا۔ انہوں نے شاندار اننگز کھیل کر ٹیم کو جیت کے دروازے تک پہنچا دیا۔

بابر نے نیوزی لینڈ کے خلاف 53 گیندوں پر 79 رنز بنائے۔ اس دوران انہوں نے مجموعی طور پر 11 چوکے لگائے۔

محمد رضوان کے جلد آؤٹ ہونے کے بعد بابر نے شاداب خان کے ساتھ مل کر تیسری وکٹ کے لئے 61 رنز کی اہم شراکت داری کرکے ٹیم کیلئے جیت کی راہ ہموار کردی ۔

بابر نے محمد نواز اور حیدر علی کے ساتھ ایک چھوٹی لیکن اہم شراکت داری بھی کی ۔

بابر اعظم نے نیوزی لینڈ کے خلاف نصف سنچری بنائی اور ایک ساتھ ویرات کوہلی اور روہت شرما کے ریکارڈ کی برابری کر لی ہے۔

ٹی ٹوئنٹی انٹرنیشنل میں ویرات نے 84 اننگز میں 28 نصف سنچریاں بنائی ہیں، بابر نے یہ ریکارڈ برابر کر دیا ہے۔

ہدف کا تعاقب کرتے ہوئے روہت نے کل 12 نصف سنچریاں بنائی ہیں، بابر اعظم اس ریکارڈ میں روہت شرما کے برابر پہنچ چکے ہیں.

ہدف کا تعاقب کرتے ہوئے سب سے زیادہ نصف سنچریاں بنانے میں مشترکہ طور نمبر ایک پر ویرات کوہلی اور آسٹریلیا کے ڈیوڈ وارنر ہیں جنہوں نے 19،19 نصف سنچری اسکور کی ہیں۔