بول نیوز ذرائع  کا کہنا ہے کہ لاہور ہائی کورٹ سانحہ مری کے حالیہ فیصلے کے باوجود مری میں غیرقانونی تعمیرات کا سلسلہ تا حال نہ رک سکا اور ملکہ کوہسارمیں غیر قانونی تعمیرات مسلسل جاری ہیں۔

  تفصیلات کے مطابق  لاہور ہائی کورٹ  راولپندی کے حالیہ فیصلے کے باوجود ملکہ کوہسار مری میں غیرقانونی اور بے ہنگم تعمیرات کا سلسلہ دن رات جاری ہے۔

بول نیوز کی رپورٹ کے مطابق لاہور ہائی کورٹ راولپنڈی بینچ نے سانحہ مری کے حوالے سے تفصیلی فیصلہ سنایا تھا جس کے پیشِ نظرغیرقانونی تعمیرات ،درختوں اور پہاڑوں کی کٹائی پر فوری پابندی  لگاتے ہوئے کاروائی کے احکامات جاری  کیے گئے تھے۔

عوامی حلقوں کا فوری کاروائی کرنےکا مطالبہ

بول ذرائع کا کہنا ہے کہ لاہور ہائی کورٹ راولپنڈی کے فیصلے کے باوجود سرکاری زمینوں اور برساتی نالوں  سمیت اپر جھکاگلی روڈ ، ویوفورتھ روڈ ، کشمیر پوائنٹ، لارنس کالج بائی پاس روڈ ، مال روڈ ، جی پی او کلڈنہ روڈ ، پنڈی پوائینٹ ، بنک روڈ  ، ہال روڈ ، کارٹ روڈ  پر اور  دیہی علاقے جن میں بھوربن  روڈ ، باڑیاں روڈ ،مری  ایکسپریس  وے ڈنہ ، مسیاڑی شوالہ لنک روڈ، سنی بنک، بانسرہ گلی، چٹہ موڑ کے علاقے  شامل ہیں میں غیر قانونی  تعمیرات کا سلسلہ تا حال جاری ہے۔

بول ذرائع نے مزید بتایا کہ مقامی لوگوں کا کہنا ہے کہ صرف خانہ پری کیلئے لنٹرز کی شٹرینگ  گرا کر وڈیو کلپ بنائے جا رہے ہیں تاہم  نامعلوم افراد پر ایف آئی آر درج کروانے کے باوجود کوئی کاروائی نہیں کی جارہی ہے۔ جس پر عوامی حلقوں نے مری کے حسن کو خراب کرنے والوں  کے خلاف فوری کاروائی  کرنےکا مطالبہ کیا ہے۔