پیشہ وارانہ کھیلوں میں ایتھلیٹس کو بھاری معاوضہ دے کر میدان میں اتارا جاتا ہے، دنیا کے مختلف کھیلوں کے بہترین ایتھلیٹس بھاری معاوضہ لیتے ہیں۔

تفصیلات کے مطابق کرسٹیانو رونالڈو نے سنسنی خیز طور پر سعودی عرب میں النصر کے ساتھ 173 ملین پاؤنڈز سالانہ کے معاہدے پر اتفاق کیا ہے، جس سے وہ کھیل میں سب سے زیادہ کمانے والا بن جائے گا۔

کرسٹیانو رونالڈو جو 37 سال کے ہو چکے ہیں نے اس ماہ کے شروع میں مانچسٹر یونائیٹڈ کا معاہدہ ختم کر دیا تھا۔

مانچسٹر یونائیٹڈ فٹ بال کلب کے سربراہوں کے ساتھ ہنگامہ خیز تعلقات کے بعد جو اس وقت مزید خراب ہوا جب اس نے پیئرز مورگن کے ساتھ ایک ٹی وی انٹرویو میں متعدد متنازعہ بیانات دیے۔

ایک ہسپانوی اخبار کے مطابق کرسٹیانو رونالڈو نے النصر کے ساتھ ڈھائی سال کے معاہدے پر اتفاق کیا ہے۔ جس کی قیمت 173 ملین پاؤنڈز سالانہ ہے، اور اب فارورڈ 40 سال تک فٹ بال کے میدان میں نظر آئیں گے۔

فوربس کے مطابق اگر کرسٹیانو رونالڈ اور النصر کے مابین یہ معاہدہ طے پا جاتا ہے تو کرسٹیانو رونالڈو دنیائے کھیل میں سب سے زیادہ تنخواہ لینے والے ایتھلیٹ بن جائیں گے۔