سندھ ہائی کورٹ سرکٹ بنچ حیدرآباد نے پبلک سروس کمیشن کے امتحانات پرمحفوظ فیصلہ سنا دیا۔

سندھ ہائی کورٹ سرکٹ بنچ حیدرآباد نے فیصلہ سناتے ہوئے کہا کہ ہائرایجوکیشن کمیشن کے مطابق بی ایس سی آنرز کی ڈگری ایم ایس سی کے برابر ہے۔ محفوظ فیصلہ سناتے ہوئے کہا کہ سندھ پبلک سروس کمیشن کے ایگریکلچر سپلائی پرائیسز کی ملازمت کے لئے امیدواراہل ہیں۔

عدالت میں جسٹس اقبال کلہوڑو اور جسٹس عدنان کریم پر مشتمل ڈبل بنچ نے فیصلہ سنایا۔

عدالت نے حکم دیا کہ سندھ پبلک سروس کمیشن تحریری امتحان میں کامیاب امیدواروں کے انٹرویوزلے۔

سیدن ہائی کورٹ سرکٹ بنچ حیدرآباد نے حکم دیا کہ انٹرویو میں کامیاب ہونے والے اہل امیدواروں کو ملازمتیں دی جائیں۔

 سندھ ہائی کورٹ میں عبدالحکیم ، اسلم نظامانی سمیت 40 امیدوارون نے عدالت سے رجوع کیا تھا۔

پٹیشنرز نے  درخواست میں مؤقف اپنایا کہ ریسرچ اینڈ اسٹیٹیکل افسر کی ملازمت کا اشتہار5 فروری2021 کو شائع ہوا، سندھ پبلک سروس کمیشن نے تمام امیدواروں سے تحریری امتحان لیا جس میں کامیاب ہوئے۔

درخواست گذاروں نے مؤقف پیش کیا کہ تحریری امتحان کے بعد کمیشن نے ڈگری کا جوازبنا کر ریجکشن لیٹرجاری کردیے۔ ہائر ایجوکیشن کمیشن نے بی ایس سی آنرز کو ماسٹرز کے برابر قرار دیا ہے۔