پاکستان انفارمیشن کمیشن نے شہری کومعلومات نہ فراہم کرنے پرچیف انجینئر این ٹی ڈی سی کو جرمانے کا شوکاز نوٹس جاری کر دیا

چیف انفارمیشن کمشنر محمد اعظم اور انفارمیشن کمشنر زاہد عبداللہ نے شہری پرویز اقبال کی جانب سے دائر اپیل کی سماعت کی ،کمیشن کے شوکاز نوٹس پر چیف انجینئر پیش نہ ہوئے تو کمیشن نے چیف انجینئر کی عدم پیشی پر کمیشن کا اظہارِ برہمی کیا۔

چیف انفارمیشن کمشنر محمد اعظم نے ریمارکس دیتے ہوئے کہاکہ لوگ ملک کے قانون سے بڑے بن جاتے ہیں، قانون پر عمل درآمد نہ ہونے کی وجہ سے شہری مسائل کا شکار ہیں۔

انفارمیشن کمشنر زاہد عبداللہ نے کہا کہ ہائیکورٹ نے حکم امتناعی جاری نہیں اس لئے کمیشن کا حکم موجود ہے معلومات نہ دینے کے خلاف درخواست پر کمیشن نے 13 ستمبر کو حکم دیاتھاجس پر ابھی تک عمل نہیں کیا گیا۔ کیس کی مزید سماعت آئندہ ہفتے ہوگی ۔