وفاقی حکومت نے ڈیزل اور پیٹرول کی قیمتیں برقرار رکھنے کا فیصلہ کیا ہے۔

تفصیلات کے مطابق وزیر خزانہ اسحاق ڈار نے پریس کانفرنس کرتے ہوئے کہا کہ لائٹ ڈیزل اور مٹی کے تیل کی قیمتوں میں کمی کا اعلان کیا گیا ہے جبکہ ہائی اسپیڈ ڈیزل اور پیٹرول قیمتیں آئندہ 15روز تک برقرار رہیں گی ۔

وزیر خزانہ نے کہا کہ یکم سے 15 دسمبر 2022ء تک فی لیٹر ڈیزل 235.30 پیسے جبکہ پیٹرول 224 روپے 80 پیسے میں فروخت کیا جائے گا۔

اسحاق ڈار نے یہ بھی کہا کہ سردیوں کی وجہ سے مٹی کے تیل کی قیمت میں فی لیٹر قیمت میں 10 روپے جبکہ لائٹ ڈیزل کی قیمت میں 7روپے50 پیسے کمی کا فیصلہ کیا گیا ہے۔

وفاقی وزیر خزانہ اسحاق ڈار کا مزید کہنا تھا کہ آئندہ پندہ روز کیلیے مٹی کا تیل 181.83 پیسے جبکہ فی لیٹر لائٹ ڈیزل 179 روپے میں فروخت ہوگا۔

علاوہ ازیں ٹیکس ریٹرن جمع کرانےکی تاریخ میں 15 دن توسیع کا بھی اعلان کیا گیا۔