اعتزاز احسن نے کہا ہے کہ توشہ خانہ سے اگر کسی نے تحفہ خریدا ہے تو کوئی جرم نہیں کیا۔

تفصیلات کے مطابق پاکستان پیپلز پارٹی کے رہنما اعتزاز احسن نے بول نیوز کے پروگرام نیشنل ڈیبیٹ میں گفتگو کرتے ہوئے کہا کہ پولیس کی مدعیت میں ایف آئی آر درج ہوں توسب کچھ ختم ہوجاتا ہے۔

اعتزاز احسن نے کہا کہ قانونی طور پر دیکھیں تو توشہ خانہ کا کسی پر کوئی کیس نہیں بنےگا۔

انہوں نے کہا کہ توشہ خانہ سے اگر کسی نے تحفہ خریدا ہے تو کوئی جرم نہیں کیا، توشہ خانہ سے خریدا گیا تحفہ قانونی طور پر اس شخص کی ملکیت ہے اور وہ توشہ خانہ سے خریدا گیا تحفہ قانونی طور پر بیچ سکتا ہے۔

اعتزاز احسن کا کہنا تھا کہ میڈیا کے ہر کلپ میں آدھی حقیقت ہوتی ہے، عمران خان کو بتانا پڑے گا کہ گھڑی مارکیٹ میں کیسےگئی۔

پاکستان پیپلز پارٹی کے رہنما اعتزاز احسن کا مزید کہنا تھا کہ توشہ خانہ سےکس کس نےکیا کیا لیا لسٹ بنائیں تولمبی لسٹ بنے گی۔