یورپ کے بحیرہ روم کے زلزلہ مرکز کے مطابق ایران کے جنوبی علاقے میں 5.6 شدت کے زلزلے سے زمین لرز اٹھی ہے۔

ایک غیر ملکی خبر رساں ادارے کی رپورٹ کے مطابق ایران کے جنوبی علاقے میں آنے والے زلزے کے جھٹکے متحدہ عرب امارات میں بھی محسوس کیے گئے۔

ایرانی میڈیا نے بھی خبر کی تصدیق کر دی ہے اور کہا ہے کہ حکومت نے زلزلے سے متاثرہ علاقے میں ریسکیو ٹیمیں روانہ کر دی ہیں۔

رپورٹ کے مطابق زلزلے کا مرکز خلیج میں واقع اہم بندرگاہ والا شہر بندر عباس سے 100 کلومیٹر دور تھا۔

ای ایم ایس سی نے مزید کہا کہ زلزلہ 10 کلومیٹر (6 میل) کی گہرائی میں تھا اور متحدہ عرب امارات کے راس الخیمہ شہر سے تقریباً 88 کلومیٹر شمال مغرب میں تھا۔

ایرانی ٹی وی کا کہنا ہے کہ ابھی تک کسی نقصان کی اطلاع نہیں ملی ہے۔