سابق ڈپٹی اسپیکر قاسم سوری کی قیادت میں کوئٹہ سے پی ٹی آئی کا حقیقی لانگ مارچ 25 نومبر کو روانہ ہوگا۔

تفصیلات کے مطابق حقیقی آزاد لانگ مارچ کیلئے پی ٹی آئی بلوچستان کا قافلہ 25 نومبر کو کوئٹہ سے روانہ ہوگا جس کی قیادت قاسم سوری کرینگے جو بروز جمعہ 1 بجے کوئلہ پھاٹک سے روانہ ہوگا۔

بول نیوز ذرائع کا کہنا ہے کہ  پی ٹی آئی بلوچستان کا قافلہ چھوٹی بڑی گاڑیوں پر مشتمل ہوگا جوکوئٹہ کے راستے ژوب سے روالپنڈی پہنچ کر مرکزی حقیقی مارچ میں شامل ہو جائے گا ۔

 بول ذرائع نے مزید بتایا کہ حقیقی لانگ مارچ کیلئے پی ٹی آئی بلوچستان نے کنٹینر اسٹیج تیار کرلیا ہے جو 30 فٹ اونچائی اور 50 فٹ لمبائی پر مشتمل ہے جس پر صوبائی قائدین مختلف اضلاع و تحصیلوں سے خطاب کرتے ہوئے جائیں گے

واضح رہے کہ اس مارچ میں شرکت کرنےکیلئے بزرگ اورخواتین سمیت نوجوان  کافی پرجوش دکھائی دے رہے ہیں ۔