چین کے سرکاری میڈیا کا کہنا ہے کہ خلاباز تیانگونگ خلائی اسٹیشن کے مدار میں چین کے پہلی بار عملے کی حوالگی کو مکمل کریں گے۔

تفصیلات کے مطابق چین کی سرکاری خبر رساں ایجنسی نے رپورٹ کیا کہ چین نے تین خلابازوں کو اپنے خلائی سٹیشن پر لے جانے والا شینزو-15 خلائی جہاز لانچ کیا ہے، جہاں وہ مدار میں ملک کے پہلے عملے کی حوالگی کو مکمل کریں گے۔

سرکاری خبر رساں ایجنسی نے چائنا مینڈ اسپیس ایڈمنسٹریشن (سی ایم ایس اے) کا حوالہ دیتے ہوئے کہا کہ تینوں خلاء بازگزشتہ روز شمال مغربی چین کے صحرائے گوبی میں جیوکوان لانچ سینٹر سے لانگ مارچ ایف 2 نامی راکٹ کے ذریعے اپنے سفر پر روانہ ہوئے۔

ایجنسی نے پیر کو ایک نیوز کانفرنس میں کہا کہ چھ ماہ کے مشن کے لیے ٹیم کی قیادت تجربہ کار فی جون لونگ اور دو پہلی بار خلاباز ڈینگ کنگ منگ اور ژانگ لو کر رہے ہیں۔

چین کے تجربہ کار 57 سالہ فی جون لونگ 17 سال بعد خلاء میں دوبارہ گئے ہیں اس سے قبل انہوں نے 2005 میں شینزو 6 خلائی مشن کی کمانڈ کی تھی۔

ان کی ٹیم تیانگونگ خلائی اسٹیشن پر سوار تین دیگر خلابازوں کے ساتھ شامل ہو گی، جو جون کے اوائل میں پہنچے تھے۔

چین کے تیانگونگ خلائی اسٹیشن میں ایک وقت میں چھ خلابازوں کو رکھنے کی گنجائش ہے اور انہیں خلائی اسٹیشن تک پہنچنے میں تقریباً ایک ہفتہ لگے گا۔

برطانیہ کی قومی خلائی اکیڈمی کے ڈائریکٹر انو اوجھا نے کہا کہ عملہ فی الحال تیانگونگ خلائی اسٹیشن کو پکڑ رہا ہے۔

انو اوجھا نے غیر ملکی میڈیا کو بتایا کہ چینی خلائی راکٹ انتہائی تیز رفتاری کے ساتھ اپنے سفر پر گامزن ہے اس کا  مطلب ہے کہ انہیں خلائی اسٹیشن سے ملنا ہے اور انہیں خلائی اسٹیشن کے ساتھ گودی میں جانا ہے.