بھارت کے شہر چنئی اور تامل ناڈو میں موسلادھار بارشوں سے نظام زندگی مفلوج ہو کر رہ گیا ہے، تعلیمی ادارے بھی بند کر دیئے گئے ہیں۔

بھارتی میڈیا کی رپورٹس کے مطابق چنئی سمیت تامل ناڈو کے کئی اضلاع میں موسلادھار بارش ہو رہی ہے، شدید بارش کی وجہ سے ریاست کے 7 اضلاع کے اسکولوں اور کالجوں میں تعطیل کا اعلان کیا گیا ہے۔

چنئی سمیت رانی پیٹ، ویلور، چنگل پٹو، ویلوپورم، تروولور اور کانجی پورم میں موسلادھار بارش کے پیش نظر اسکولوں اور کالجوں کو بند کرنے کی ہدایات دی گئی ہیں۔

چنئی میں مسلسل موسلادھار بارش کی وجہ سے مختلف علاقوں میں پانی جمع ہو گیا ہے اور کئی مقامات پر سڑکیں پانی سے بھر گئی ہیں جس کی وجہ سے لوگوں کا نکلنا مشکل ہو رہا ہے۔

تامل ناڈو میں موسلادھار بارش کی وجہ سے لوگوں کی زندگی درہم برہم ہوگئی ہے، انتظامیہ تیزی سے امدادی کاموں میں مصروف ہے۔

شدید بارش کے خطرے کے پیش نظر حکومت نے تمام کلکٹرس کو میدان میں اترنے کو کہا ہے۔ میونسپل کارپوریشن کی جانب سے ہیلپ لائن نمبر بھی جاری کیے گئے ہیں۔

چنئی سمیت تامل ناڈو کے کئی اضلاع میں موسلادھار بارش ہو رہی ہے۔ شدید بارش کی وجہ سے ریاست کے 7 اضلاع کے اسکولوں اور کالجوں میں تعطیل کا اعلان کیا گیا ہے۔ چنئی سمیت رانی پیٹ، ویلور، چنگل پٹو، ویلوپورم، تروولور اور کانجی پورم میں موسلادھار بارش کے پیش نظر اسکولوں اور کالجوں کو بند کرنے کی ہدایات دی گئی ہیں۔

واضح رہے کہ چنئی میں 1 ہفتے سے زیادہ عرصے سے موسلادھار بارش ہو رہی ہے۔ محکمہ موسمیات کے مطابق چنئی میں آج بھی گرج چمک کے ساتھ بارش ہو سکتی ہے۔ چنئی میں بارش کے حوالے سے محکمہ موسمیات کی پیشین گوئیاں اب تک درست ثابت ہو رہی ہیں۔

چنئی میں موسلا دھار بارش کی وجہ سے چٹلاپکم جھیل تباہ ہو گئی ہے اور چٹلاپکم جھیل کا پانی بھی رہائشی علاقوں میں داخل ہو گیا ہے اور انتظامیہ کے لوگ مقامی سطح پر مکینوں سے رابطہ کر رہے ہیں۔