محکمہ موسمیات کا کہنا ہے کہ آئندہ چند روز میں درجہ حرارت میں کمی واقعی ہونے سے سردی کی شدت میں مزید اضافہ ہوجائے گا ۔

 تفصیلات کے مطابق آج کراچی میں موسم سرما کی آمد کے ساتھ ہی شہر کی راتیں  خنک اور سرد ہونا شروع ہوگئی ہیں تاہم آج دن بھر شہر کا موسم خشک رہے گا ۔

’کراچی میں آج رات سردی کی شدت  بڑھنے کا امکان ہے ‘ محکمہ موسمیات

محکمہ موسمیات کی رپورٹ کے مطابق آج رواں ماہ کی سرد ترین رات ریکارڈ ہونے کا امکان ظاہر کیا جارہا ہے۔ کراچی میں سردی کا آغاز عموماََ دسمبر سے ہوتا ہے۔

 رپورٹ میں کہا گیا ہے کہ اس وقت کراچی میں دھند چھائی ہوئی ہے جس کے باعث حد نگاہ 5 کلو میٹر تک محدود  رہے گی اور مطلع آج  بھی صاف رہے گا البتہ بارش کا کوئی  امکان نہیں ہے ۔

 محکمہ موسمیات کا کہنا ہے کہ شہر میں شمال مشرق کی سمت سے 5 کلو میٹرفی گھنٹہ کی رفتار سے چلنے والی ہواؤں میں نمی کا تناسب 75 فیصد ریکارڈ کیا گیا ہے۔اس وقت کراچی کا موجودہ درجہ حرارت 16 ڈگری سینٹی گریڈ ہے تاہم کم سے کم درجہ حرارت 14 ڈگری سینٹی گریڈ ریکارڈ گیا ہے۔

 محکمہ موسمیات نے مزید کہا  کہ دن بھر درجہ حرارت 30 سے 32 ڈگری سینٹی گریڈ رہنے کا امکان ہے علاوہ ازیں شہر میں 18 کلومیٹر فی گھنٹے کی رفتار سے ہوا چلے گی۔