راجہ ریاض کواپوزیشن لیڈرقومی اسمبلی کے عہدے سے ہٹانے کے لیے صدرمملکت، وزیراعظم اوراسپیکرکوخط لکھ دیاگیا۔

تفصیلات کے مطابق راجہ ریاض کواپوزیشن لیڈرقومی اسمبلی کے عہدے سے ہٹانے کے لیے صدرمملکت، وزیراعظم اوراسپیکرکو لکھے گئے خط میں کہا گیا کہ ہاٸی کورٹ نے راجہ ریاض کی تعیناتی کے خلاف درخواستوں پراسپیکر کو فیصلہ کرنے کا حکم دیا ہے۔

یہ خط جوڈیشل ایکٹوازم پینل کےسربراہ اظہر صدیق ایڈووکیٹ کی جانب سے بھجوایا گیاہے۔

خط کے متن کے مطابق اسیکر نے وجوہات بتاٸے بغیر درخواستیں مسترد کر دیں۔ اپوزیشن لیڈرکو صرف تعداد کی بنیاد پرعہدہ نہیں دیا جاسکتا۔

جوڈیشل ایکٹوازم پینل کےسربراہ اظہرصدیق ایڈووکیٹ کے ذریعے خط میں کہا کہ اپوزیشن لیڈر کا کرداراہم ہوتا ہے جو حکومتی معاملات میں اپنی تنقیدی رائے دے کرفیصلوں میں شریک ہوتا ہے۔

خط میں کہا گیا ہے کہ اپوزیشن لیڈر کا تعلق پی ٹی آٸی سے ہے مگر اسپیکرحکومت کا ساتھ دے رہے ہیں۔ پی ٹی آٸی سے تعلق کی وجہ سے راجہ ریاض اپوزیشن لیڈر نہیں بن سکتے۔

خط میں صدر، وزیراعظم اور اسپیکرسے یہ بھی کہا گیا کہ پی ٹی آئی اراکین کےاستعفوں کی منظوری کے بغیر راجہ ریاض کی تعیناتی قانون کی خلاف ورزی ہے۔ استدعا ہے کہ راجہ ریاض کو بطور اپوزیشن لیڈر عہدے پرکام سے روکتے ہوئے ہٹایا جائے۔