سعودی حکومت نے عمرہ زائرین اور مقامی افراد کے لیے حرم شریف تک مفت بس سروس کا باقاعدہ آغاز کر دیا ہے۔

تفصیلات کے مطابق سعودی حکومت نے مکہ مکرمہ میں عمرہ زائرین اور مقامی افراد کے حرم شریف جانے کے لیے مفت بس سروس شروع کر دی ہے۔

بیرونی ممالک سے آنے والے عمرہ زائرین اور مقامی افراد نے بس سروس کا آغاز کرنے کے فیصلے کا خیر مقدم کیا ہے۔

واضح رہے کہ سعودی حکومت کی جانب سے حرم شریف کے گردونواح علاقوں میں مقیم مقامی، غیر ملکی اورعمرہ زائرین کے لیے بآسانی حرم آنے کے لیے گزشتہ ماہ تجرباتی طور پر آغاز کیا تھا۔

تجرباتی بنیاد پر جدید ٹیکنالوجی سے تیار کردہ آرام دہ اور پرسکوں مفت بس سروس آگ بجھانے والے سسٹم، ماحولیاتی تحفظ، سی سی کیمروں، الیکٹرانک سکرینز سے آراستہ ہیں۔ جنہیں اب باضابطہ طور پر مستقل کر دیا گیا ہے۔

ان بسوں میں معذوروں کے لیے خصوصی سہولتیں رکھی گئی ہیں، انٹرنیٹ سروس بھی ان بسوں میں فراہم کی گئی ہے۔ جس سے نہ صرف مقامی افراد بلکہ عمرہ زائرین بھی مستفید ہو رہے ہیں۔

اس بس سروس میں روزانہ کی بنیاد پر ہزاروں افراد اس پر سفر کر رہے ہیں سعودی حکومت کے اس اقدام  سے مقامی افراد کے ساتھ ساتھ عمرہ زائرین بھی بے حد خوش نظر آتے ہیں۔

سعودی حکومت کے مفت بس سروس منصوبے کے تحت مسافر پورے مکہ مکرمہ حرم کی حدود عزیزیہ ، عائشہ مسجد اور دیگر مقدس مقامات کا سفر بھی اختیار کر سکتے ہیں.