آزاد کشمیر کے سیاحتی مقام پیرچناسی میں سیاحوں کی گاڑیاں پھنس گئیں۔

پولیس ذرائع کے مطابق آزاد کشمیر کے سیاحتی مقام پیر چناسی میں سیاحوں کی تیس کے لگ بھگ گاڑیاں برفباری کے بعد پھسلن کے باعث پھنس گئیں۔

پولیس کا کہنا ہے کہ سیاحتی مقام پیر چناسی جانے والی گاڑیاں پہاڑی علاقوں میں خراب موسم کے دوران ماقابل رفتار ہو جاتی ہیں، سیاحوں کو ریسکیو کرنے کیلئے مظفرآباد سے ریسکیو   1122 اور پولیس روانہ کر دی گئی۔

پولیس کا یہ بھی کہنا ہے کہ پھنسی ہوئی گاڑیوں میں 100سے زائد خواتین، بچے اور مرد سوار ہیں جبکہ ڈپٹی کمشنر ایس پی اور دیگر سول حکام موقعہ پر پہنچ گئے ہیں۔

پولیس کا مزید کہنا ہے کہ برف ہٹانے کیلئے سیاحتی مقام پیر چناسی میں مشینری موجود نہیں موقعہ پر چین والی مشینری روانہ کردی گئی ہے، مسافروں کو اتار کر دوسری گاڑیوں میں منتقل کر محفوظ مقام پر منتقل کیا جائے گا۔